ਇਕ ਦਿਲ ਏ ਮੇਰਾ ਹਰ ਵੇਲੇ ਰੋਂਦਾ ਹੀ ਰਹਿੰਦਾ ਹਾਣ ਦੀਏ
ਇਕ ਮੁਖੜਾ ਤੇਰਾ ਅੱਖਾ ਮੂਹਰੇ ਆਉਂਦਾ ਹੀ ਰਹਿੰਦਾ ਹਾਣ ਦੀਏ
ਇਕ ਚੰਦਰੇ ਲੋਕ ਜ਼ਮਾਨੇ ਦੇ ਮੈਨੂੰ ਮੇਹਣੇ ਦੇ ਕੇ ਹੱਸਦੇ ਨੇ
ਕੀ ਹੋਇਆ ਅਸੀਂ ਉੱਜੜੇ ਆਂ ਸੱਜਣ ਤਾਂ ਸਾਡੇ ਵੱਸਦੇ ਨੇ
ਇਕ ਯਾਦ ਤੇਰੀ ਵੀ ਤੰਗ ਕਰਦੀ, ਮੈਥੋ ਮੌਤ ਮੇਰੀ ਦੀ ਮੰਗ ਕਰਦੀ
ਇਹ ਕੇਵੀ ਦੀ ਹੀ ਹਿੰਮਤ ਏ. ਜੋ ਯਾਦ ਤੇਰੀ ਨਾ ਜੰਗ ਕਰਦੀ
ਇਕ ਪਿੰਡ ਤੇਰੇ ਦਾ ਖੂਹ ਕੁੜੀਏ..ਇਕ ਪਿੰਡ ਤੇਰੇ ਦੀ ਜੂਹ ਕੁੜੀਏ
ਜਦ ਚੇਤੇ ਮੈਨੂੰ ਆ ਜਾਂਦੇ.. ਤੜਫਾਉਦੇ ਮੇਰੀ ਰੂਹ ਕੁੜੀਏ
ਇਕ ਵੰਗ ਤੇਰੀ ਦਾ ਟੁਕੜਾ ਏ.. ਜੋ ਸੁਣਦਾ ਮੇਰਾ ਦੁਖੜਾ ਏ
ਇਕ ਨਹਿਰ ਦਾ ਉਹ ਕਿਨਾਰਾ ਏ.. ਇਕ ਮੇਰਾ ਯਾਰ ਪਿਆਰਾ ਏ
ਮੇਰੇ ਜੀਣ ਦਾ ਜੋ ਸਹਾਰਾ ਏ.. ਮੇਰੇ ਜੀਣ ਦਾ ਜੋ ਸਹਾਰਾ ਏ